Napilian ang Filipina actress kag beauty queen nga si Kylie Versoza nga mag-host sa preliminary kag grand finale events sang Miss Cosmo pageant sa Vietnam.
Patigayunon ang preliminary night sa Oktubre 4 samtang balantayan naman ang grand finale sa Oktubre 5 nga pareho nga patigayunon sa Phu Tho Stadium sa Ho Chi Minh City.
Una naman nga gin-anunsyar sang Miss Cosmo pageant nga magapungko man sanday former Miss Universe Organization President Paula Shugart kag 2021 Miss Universe winner Harnaaz Sandhu sa jury panel.
Sa nasambit nga pageant, ang nagarepresentar sa Pilipinas amo si Ma. Ahtisa Manalo nga nangin 2018 Miss International first runner-up.
Sa preliminary activities, si Ahtisa ang nagdaog sa ‘First Station’ sang Miss Cosmo’s People’s Choice Award.
Nagsugod ang Miss Cosmo 2024 sang September 15 sa isa ka sashing ceremony kag magalawig tubtub sa October 5.
