Aminado si Catriona Gray nga nagpaidalom ini sa liposuction nga nakabulig sa iya agud ma-boost ang confidence.
Ini ang ginpakigbahin sang anay Miss Universe sa isa ka video kun sa diin gin-updan siya sang iban nga beauty queens nga sanday Michelle Dee kag Celeste Cortesi.
Suno sa iya, nagpa-lipo siya sa likod sang iya butkon kag ang luyag niya amo nga mapahugot kag mapa-tone ini sang maayo.
Samtang, suno naman kay Celeste nga nagtiglawas man sa Pilipinas sa Miss Universe, nagpabuhin siya sa iya butkon duha ka semana antes ang pageant.
Sa bahin naman ni Michelle, ginpahayag niya nga nagpa-lipo sia sa iya likod, ilabi na sa iya hawak.
Ang tatlo ang pinakabag-o nga nagdugang sa listahan sang mga celebrities nga nagpaidalom sa kaangay nga surgery nga ginlakipan nanday Janella Salvador, Alodia Gosiengfiao, kag Angeline Quinto.
