Nagnaog bilang Miss Grand International 2024 si Rachel Gupta sang India samtang ginalantaw nga buslan sang 1st runner-up nga si CJ Opiaza sang Pilipinas ang iya pwesto.
Suno kay Gupta ang makoronahan bilang Miss Grand International ang madugay na sini nga handum agud irepresenta ang India.
Apang suno diri, matapos nga ginkoronahan, nag-eksperyensya ini sang mistreatment, broken promises kag toxic environment nga indi na sini masarangan.
Suno pa diri, indi mahapos para sa iya ang desisyon nga mang-indi kag nagpasalig nga mahatag pa ini sang dugang nga detalye sa masunod nga inadlaw.
Kasunod sa statement ni Gupta, gin-anunsyar naman sang Miss Grand International (MGI) Organization ang pagbawi sini sang titulo sang beauty queen.
Suno sa MGI, wala natuman ni Gupta ang iya obligasyon, kag nag-engage sa external projects bisan wala sang approval halin sa organisasyon kag pag-deny sini nga magpartisipar sa scheduled trip sa Guatemala.
Bangod sini, nagdesisyon ang organisasyon nga irevoke ang title sini kag sa karun indi na otorisado si Gupta nga gamiton ang title ukon suksokn ang korona.
Ginapabalik na sa karun sang Miss Grand International ang korona sa ila talatapan sa sulod sang 30 ka adlaw.
