Patay ang isa ka Filipina sa Tampa, Florida sang Oktubre 10, kadungan mismo sang iya ika-73 nga kaadlawan matapos nahulugan sang sanga sang dako nga puno bangud sa paglaslas ni Hurricane Milton.
Si Luisa Santos, operator sang Oakland Manor Assisted Living sa Tampa ang indi makahulat sa tree service nga mag-abot kag ginsuguran ang pagpanghawan sang dalagko nga mga sanga sa palibot sang iya pasilidad agud masiguro ang kaluwasan sang 28 ka mga senior residents.
Suno sa bana sini, samtang ginapanghawan ni Luisa ang mga sanga, hinali lang nga nahulugan ini sang dako nga sanga rason kun ngaa nadulaan ini sang kabuhi.
Suno sa bata sini nga si Wendy Tantozo, nagpulaw ang iya iloy sang paglaslas sang Hurricane Milton agud masiguro ang kaluwasan sang mga senior citizen nga iya ginaatipan.
