-- ADVERTISEMENT --
Ginkilala bilang top seed ukon highest-ranked player sa 2025 Oeiras Ladies Open ang Filipina tennis star nga si Alex Eala.
Ini ang nagmarka sa labing una nga tion nga magahampang ang world’s no.73 bilang pro sa Women’s Tennis Association (WTA) 125 tournament.
Ini man ang liwat niya nga pagpasakop sa sporting event matapos ang iya historic run sa Miami Open kon sa diin natigayon niya nga malutos ang tatlo ka Grand Slam Champions.
Ang Oeiras Ladies Open ang patigayunon sa Abril 14 tubtob 20 sa Portugal.
Kun matapos na ang tournament, magapreparar naman ang 19 anyos nga si Eala para sa WTA 1000 Mutua Madrid Open nga magasugod sa Abril 22 kag WTA 125 nga hiwaton sa Vic Spain.
-- ADVERTISEMENT --
