-- ADVERTISEMENT --
Panibag-o na naman nga milestone ang nalab-ot sang Filipina tennis star nga si Alex Eala matapos ini mahatagan sang first-round bye sa WTA 1000 National Bank Open sa Toronto, Canada.
Bangud sa iya nga world no. 28 nga ranking, kalakip si Eala sa mga seeded players nga automatic nga maga-abanse sa second round sang torneo.
Ipatigayunon ang National Bank Open humalin Agosto 2 tubtob 13 kag ginalauman nga ini ang mangin ikaduha nga torneo ni Eala sa North American swing subong nga tuig kasunod sang iya kampanya sa Mubadala DC Open sini nga semana.
Lauman sini nga Martes ang pag-umpisa sang kampanya ni Eala sa Mubadala DC Open kag atubangon ang reigning Olympic gold medalist nga si Zheng Qinwen.
