Dako ang pagpasalamat ni Filipina tennis star Alex Eala sa mga Pilipino nga nag-abi-abi kag nagsuporta sa iya nga pagbalik sa Pilipinas matapos ang maragtason nga kampanya sa Wimbledon.
Sa iya nga Instagram stroy, ginpahayag ni Eala nga natandog gid ini sa pagpalangga kag mga mensahe nga iya nabaton.
Suno kay Eala, ginapabugal gid niya nga mangin tiglawas sang pungsod sa kada hampang.
Nagbalik na si Eala sa Estados Unidos agud ipadayon ang iya kampanya sa WTA Tour.
Una nga magahampang si Eala sa WTA 500 Mubadala DC Open antes ang WTA 1000 Canadian Open.
Lauman man nga makahampang si Eala sa main draw sang US Open, ang ulihi nga Grand Slam tournament sang tuig.
Nagpabutyag man ini sang paglaum nga liwat nga magrepresentar sang Pilipinas sa 2026 Asian Games sa China.
