-- ADVERTISEMENT --
Ginlutos sang 18-anyos nga Filipina Tennis Star nga si Alex Eala ang Polish veteran nga si Katarzyna Kawa sa iya una nga hampang sa Women’s Tennis Association (WTA) 125 tournament sa Suzhou, China.
Nakakuha ini sang score nga 6-2, 5-7, 6-4 sa isa ka hampang nga nagdugay sang masobra duha ka oras.
Madasig nya nga nakuha ang una set, apang sa ika-duha nga set nagbalos si Kawa pamaagi sa agresibo nga hampang.
Samtang, wala ginsugtan ni Eala nga malutos sa ika-tatlo nga set, liwat ini sini nga ginpakita ang iya kabaskog kag abilidad agud dalayon nga makuha ang kadalag-an.
Ang kadalag-an ang naghatag sang dalan kay Eala nga mag-abante sa ika-duha nga round sang torneo, kun sa diin makaatubang sini ang Chinese wildcard nga si Liu Yanni.
-- ADVERTISEMENT --
