Nakakuha sang wild card ang Pinay tennis star nga si Alex Eala kag Canadian tennis player nga si Felix Auger-Aliassime para sa 2026 US Open mixed doubles tournament.
Ini matapos gin-anunsyo sang U.S. Tennis Association ang 11 sa 16 ka teams nga mangin kahabahin sang championship.
Anom ka teams ang direkta nga nag-qualify santo sa ila combined rankings, samtang lima naman ang ginhatagan sang wild cards.
Nagapanguna sa mga nag-qualify ang team nanday No. 1-ranked Aryna Sabalenka kag 24-time men’s Grand Slam singles champion Novak Djokovic.
Direkta man nga nag-qualify base sa rankings sanday Elena Rybakina kag Taylor Fritz; Diana Shnaider kag Daniil Medvedev; Iga Swiatek kag Casper Ruud; Belinda Bencic kag Flavio Cobolli; kag Amanda Anisimova kag Learner Tien.
Ang iban pa nga wild cards naman ginhatag sa teams nanday Leylah Fernandez kag Frances Tiafoe, kag Taylor Townsend kag Alexander Zverev.
Magasugod ang first round kag quarterfinals sa Agosto 25, samtang natalana naman ang semifinals kag final sa Agosto 26.
Ang tanan nga hampang patigayunon sa Arthur Ashe Stadium ukon Louis Armstrong Stadium.
