Magapasakop sa Singapore Tennis Open ang Filipina Tennis star nga si Alex Eala sa Setyembre 21 tubtob 27, 2026 sa OCBC Arena sa Singapore.
Ang tournament mangin isa ka WTA 500 event subong nga tuig, gikan sa WTA 250 sang nagligad nga tuig.
Bangud sini, ginalauman nga mas madamo nga mabakod nga mga tennis players ang ginapaabot nga magapakigbahin.
Indi ini bag-o nga eksperyensya para kay Eala, bangud una na siya nga nakahampang sa Sangapore bilang junior.
Suno sa iya, excited ini nga makahampang sa isa ka tournament nga malapit sa Pilipinas.
Sang damlag lang, naghimo si Eala sang maragtas sang nagdaog ini sang iya una nga WTA singles title sa Mubadala Citi DC Open sa Washington, D.C.
Ginlutos niya ang American tennis player nga si Jessica Pegula sa finals.
Patigayunon ang qualifying rounds sang tournament sa Setyembre 19-20, samtang magasugod naman ang main draw sa Setyembre 21.
