-- ADVERTISEMENT --
Nag-abanse na si Alex Eala sa 3rd round sang Dubai Tennis Championships matapos ang dako nga upset win batok sa world no. 8 player nga si Jasmine Paolini sa iskor nga 6-1, 7-6.
Ang Italian player ang nagkampeon anay sa amo man nga Dubai tournament kag subong ginakabig nga sixth seed.
Suno kay Eala, dako ini niya nga achievement nga nalampuwasan niya ang isa ka player nga sulod sa Top 10.
Pahayag sini, nakakuha siya sang inspirasyon nga ihatag ang tanan sa hampang bangud puno sang mga Pilipino ang stadium kag nakahibalo siya nga madamo ang nagapangamuyo para sa iya.
Ang Dubai Tennis Championships amo ang ikaanum nga tournament ni Eala subong nga tuig.
-- ADVERTISEMENT --
