Abanse na sa quarterfinals sang 2026 Hong Kong Open si Filipina tennis star Alex Eala matapos malutos si Tereza Valentova sang Czech Republic sa Round of 16 kahapon.
Nagtakop ang hampang sa score nga 6-4, 7-6 (9-7) pabor kay Eala matapos ang isa ka oras kag 54 ka minutos nga match.
Sa una nga set, gilayon nga nakuha ni Eala ang lead sa 3-0, apang nakabawi si Valentova kag napatas ang score sa 4-4.
Apang, nagpabilin nga determinado si Eala kag nakuha ang set sa score nga 6-4.
Sa ikaduha nga set, si Valentova naman ang nagpanguna matapos makuha ang lead nga 4-2.
Apang, nakabalos si Eala kag napatas ang hampang sa 5-5, nga nagresulta sa tiebreak.
Sa ulihi, ginselyuhan ni Eala ang kadalag-an sa score nga 9-7.
Natalana nga atubangon sang Filipina tennis star si Antonia Ruzic sa quarterfinals sa Biyernes para sa pwesto sa semifinals sang torneo.
