Ginkoronahan ang Filipino-American artist nga si Jessica Sanchez bilang tagdaog sang “America’s Got Talent” Season 20.
Madumduman nga 10 anyos pa lamang si Sanchez sang una siya nga nagcompete sa inaugural season sang competition tubtob nga nakasulod ini sa semifinals.
Matapos ang anum ka tuig, siya nangin first runner up sa “American Idol” Season 11.
Magluwas bilang bag-o nga “America’s Got Talent” titleholder, si Sanchez nagdaog man sang $1 million (P58 million), isa ka show sa Las Vegas, kag byahe padulong sa Universal Studios Florida.
Sa finals, si Sanchez siyam ka bulan na nga nagabusong sa bata sini nga si Eliana.
Nagperform siya sang cover sang kanta nga “Die With A Smile” nga orihinal nga ginkanta sang Filipino-American nga si Bruno Mars kag Lady Gaga.
