Malipayon nga gin-anunsyar ni Filipino-American singer-songwriter Olivia Rodrigo ang pagpatigayon sang concert sa pungsod.
Patigayunon ini sa Oktubre 5 sa Philippine Arena.
Magaumpisa naman ang pagbaligya sang tickets sa maabot nga Setyembre 14 sang alas 10:00 sang aga.
Tanan nga revenue sa pagbaligya sang tickets ang magakadto sa Fund 4 Good nga isa ka global iniatives nga nagabulig para sa libre nga edukasyon sang mga babayi kag pagsuporta sa mga reproductive rights kasubong man ang prevent gender-based violence.
Nagabalor ang kada tickets sang P1,500 kun sa diin limitado lamang sa apat ka mga tickets ang mabakal sang kada tawo.
Sa social media account sang singer ang malipayon ini nga ginbalita ang nagahilapit sini nga concert.
Ang concert sini ang kabahin sang iya nga “GUTS” tour sa Asia kag Australia.
Maumpisa ini nga mag-tour sa Asya humalin sang Setyembre 16 tubtob Okutbre 1 kag masunod sa Australia humalin Oktubre 9 tubtob 18.
Si Rodrigo ang ginbun-ag kag nagdako sa California kun sa diin ang amay sini ang Filipino samtang ang iloy sini ang isa ka German-Irish.
Ang Grammy Award winner ang nagpasikat sang mga kanta nga “Drivers License,” “Traitor” kag “DE JAVU”.
Sang tinalikdan nga tuig, ginpagwa sini ang iya nga ikaduha nga album.
