-- ADVERTISEMENT --
Target ni boxing legend Manny Pacquiao nga magbukas pa sang mga boxing kag training facility sa nagkalain-lain nga pungsod matapos ang pagbukas sang labing-una nga ‘Pacquiao Prime Boxing Gym’ sa Los Angeles, California.
Suno kay MP Promotions CEO Jas Mathur, magaserbe nga flagship gym ang nasambit nga pasilidad kag katuyuan sini nga mabuligan ang mga boksingero nga mapasanyog ang ila karera kag makakuha sang mas madamo nga match.
Magluwas sa Estados Unidos, luyag man nila nga magtukod sang mga gym sa Canada, United Arab Emirates, India, kag Europa.
Wala pa sang gintumod nga petsa para sa posible nga pagpatindog sang gym sa Pilipinas, apang lauman nga paga-umpisahan ang mas madamo nga proyekto sa 2027.
