Nagahimo sang pangalan ang mga Filipino-canadian basketball coach sa local basketball team sa Canada.
Si coach Chris Cheng sang Canada U17 team ang isa ka proud Filipino-Canadian kun sa diin Filipino ang mga ginikanan.
Suno diri, ang Chinese sini nga apelyido ang ginhatag sa iya lolo nga nagtaliwan sang tatlo ka tuig pa lamang ang iya amay.
Nagdako si Cheng sa Filipino culture, kag kaangay sa Pilipinas, dako man ang pagpalangga sini sa basketball.
Namitan man ini sa mga Filipino food kag naka-intindi sa linggwahe.
Apang, may isa pa ka butang nga yara sa bucket list sini nga dapat niya nga mahimo kag ini ang magbalik sa Pilipinas.
Matapos nga mapierde sa quarter-finals sa FIBA U17 World Cup, luyag ni Cheng nga mapabalik sa top ang Canada kag naghatag man ini sang pointers kun paano mas mapasanyog sang Pilipinas ang basketball sa youth level.
Samtang, isa pa gid ka Fil-Canadian ang naghimo sang journey sini sa pag-coach sa provincial level.
Si Former Far Eastern University Tamaraw Aurel David ang head coach sang British Columbia Basketball U15.
Matapos ini maghampang sa UAAP kag PBA D-League, proud sini nga ginarepresent ang iya motherland sa Canada.
