Magluwas sa mga padya nga mabaton, gin-ulan man sang pagpanamyaw kag pagpanginbulan si “The Golden Boy” Filipino gymnast Carlos Yulo matapos nga makakuha sang duha ka gold medal sa nagapadayon nga Paris Olympics.
Wala nagpaulihi ang mga Filipino celebrities sa pagtamyaw kag pagpadangat sang pagpanginbulan sa olympics double-gold medalist.
Sa instagram story, ginpanginbulahan ni Lea Salonga si Yulo para sa iya nga back-to-back gold medals para sa Pilipinas
Sa caption ginsulat ni Lea nga ‘Congratulations! Mabuhay ka!”
Sa X (anay Twitter), ginpahayag ni Miss Grand International 2020 1st Runner-Up Samantha Bernardo nga ang pagdaog ni Carlos sa Paris Olympics ang kaangay sang fairy tale.
Sa caption, ginsulat ni Samantha nga “Ang sarap maging Pilipino,” Samantha said. “Our Golden Boy, Carlos, Mabuhay ka!”
Dugang pa sini, “Please support our Filipino athletes more, mahal kong Pilipinas,”
Samtang, ginpasalamatan ni Jodi Sta. Maria ang Filipino athlete sa paghatag sang dungog sa Pilipinas.
Sa caption sang aktres: “Ginto para sa Pilipinas! Congratulations at maraming salamat, Carlos Yulo!”
Iban nga mga celebrities nga ginalakipan nanday Michelle Dee, Anne Curtis, Matteo Guidicelli, kag Carla Abellana, ang nagpakigbahin sang ila kalipay kag pagpanginbulahan kay Carlos paagi sa comment section sang instagram posts sang gymnast’s.
Una naman nga ginpahayag ni Vice Ganda si Carlos Yulo ang makabaton sang libre nga entrance, pagkaon kag ilimnon sa iya bag-ong bukas nga comedy bar bangud nagdaog ini sang gold medal sa Paris Olympics.
