Daog ang Filipino fighter nga si Joshua Pacio batok kay Jarred Brooks via technical knockout sa second round sa ONE 171: Qatar main event kag ginkoronahan bilang undisputed ONE strawweight MMA world champion.
Matapos makuha ni Pacio ang title sang nakaligad nga tuig paagi sa disqualification win, ang duha nagkitaay sa tunga sang ring kun sa diin nagtinguha si Brooks para sa early takedown sa first round agud matapos ang match.
Gintestingan sang Americano nga mapatumba si Pacio sa estilo sini nga submission holds lakip na ang guillotine choke sa final minute sa first round.
Apang, ang 29 anyos nga pride sang Baguio nakaluwas kag agresibo nga nagbato sa second round kag gintapos ang match kasunod sang right hook.
Nagtawag sang end sa match ang referee sa 4:22 mark sa second round.
Matapos makuha ni Pacio ang winning belt, nangin emosyonal ini kag amo man nga nagpalapit si Brooks kag gin-alsa ang iya kamot.
Ginpauli man sini ang $50,000 ukon P2,883,568 nga performance bonus.
Suno sa Filipino fighter, bukas ini para sa isa pa ka match sa iya rival kag handa ini para sa lima ka rounds kay Brooks.
