Ginalantaw nga makakuha sang Pilipinas nga makakuha sang tatlo ka Olympic medals sa men’s artistic gymnastics sa nagapadayun nga 2024 Paris Olympics.
Ini matapos nga makasulod na sa final round sang tatlo ka Olympic events si Filipino star gymnast Carlos Yulo.
Santo sa website sang 2024 Paris Olympics, si Yulo ang sulod na sa final rounds sang all-around, floor exercise, kag vault category.
Si Yulo ang nagrank 9 sa all-around rankings sa 83.631, kag ini ang nagahatag sang mataas nga tyansa nga siya ang makakuha sang pwesto sa medal round, kun sa diin 24 ka mga atleta ang naqualify.
Ang finals para sa all-round event ang patigayunon sa Hulyo 31.
Nakuha man ni Yulo ang iya spot sa finals sang floor exercise, kun sa diin siya ang former world champion, matapos makascore sang 14.766 sa apparatus kun sa diin siya ang nakaangkon sang second-place kasunod kay Jake Jarman sang Great Britain nga nakakuha sang 14.966.
Ang medal round para sa floor exercises ang patigayunon sa Agosto 3.
Nahibaluan nga target ni Yulo nga mapasaka ang iya performance sa vault matapos nga mangin fourth placer sa nasambitan nga apparatus sa 2020 Tokyo Olympics.
Siya ang nangin 6th place naman sa vault finals sa France para sa qualification round kun sa diin siya ang nakakuha sang 14.683 points.
Si Yulo amo ang gold medalist sa nasambitan nga apparatus sa 2021 World Championships.
Ang vault event ang natalana patigayunon sa Agosto 4.
Samtang napaslawan naman si Yulo nga makalusot sa parallel bars, kun sa diin siya ang nagdaog sang silver medal sa 2021 World Championships kag gold sa 2022 Asian Championships.
Siya ang nakascore sang 14.533 sa routine nga may difficulty nga 6.000.
Si Yulo ang nakascore naman sang 13.066 sa pommel horse, 13.000 sa rings, kag 13.466 sa horizontal bar.
Si Zhang Boheng sang China ang nakakuha sang pinakamataas nga all-around score nga nagdangat sa 88.597.
