Nagtupa sa ika-walo nga rank ang Wheelchair racer nga si Jerrold Mangliwan sa final round sang men’s 400-meter T52 race kahapon sa Paris Paralympics sa Stade de France.
Nakalab-ot ini sa gold medal match sa clock time nga 1:04.55 sangsa seventh-placer nga si Salvador Hernandez Mondragon sang Mexico nga nagtapos sa 1:04.32.
Samtang, nagdaog naman sa first place si Maxime Carabin sang Belgium sa time nga 55.10 secs.
Suno kay athletic head coach Joel Deriada, wala nila naintindihan kun ngaa nangin mahinay ang first 150 meters ni Mangliwan apang nagbawi naman ini sa last 250 meters.
Dugang pa sang coach, nakahibalo mismo si Mangliwan sang iya masarangan para sa game bangod nga nahimo sini mag-clock sang 1:02 kag 1:03 sa practice.
Apang, apisar sini proud si Deriada sa achivement ni Mangliwan indi kaangay sa Tokyo sang 2021 kun sa diin nadisqualify ang athlete bangod sa pagcross sini sa sala nga lane.
Si Mangliwan ang may tsana pa sa karun para sa men’s 100m – T52 race nga patigayunon sa Biyernes, Setyembre 6.
