Filipino Paralympic athletes nga naghampang sa Paris Paralympics 2024, ginhatagan sang P1 million kada isa

Nagbaton sang presidential citations kag tig-P1 million nga cash incentive ang Filipino Paralympic athletes gikan kay President Ferdinand “Bongbong” Marcos Jr. sa ginpatigayon nga “Pagbibigay Dangal” meet and greet sa Malacañang, kahapon.

Kaupod si First Lady Louise Araneta Marcos kag iban nga First Family, ginhatagan sang presidente sang award ang anum ka Paralympians, nga sanday Cendy Asusano sang Athletics kag Javelin Throw; Agustina Bantiloc sang Archery; Allain Ganapin sang Taekwondo; Ernie Gawilan sang Athletics kag Wheelchair Racing; kag Angel Otom sang Swimming.

Nagbaton man ang anum ka athletes sang libre nga sakay gikan sa local airline nga Cebu Pacific.