Filipino Pole Vaulter EJ Obiena, daog sang gold medal sa Meeting Metz Moselle Athlelor sa France

Liwat naman nga nahatagan ni Pole Vaulter EJ Obiena sang kadalag-an ang Pilipinas matapos nga makuha sini breakthrough gold medal subong nga tuig 2025.

Si Obiena ang nagpanguna sa Meeting Metz Moselle Athlelor nga ginhiwat sa Metz, France.

Natigayon nga ma-clear ni EJ ang 5.70 meters sa isa lang ka attempt.

Gintinguhaan pa niya nga malampuwasan ang 5.85 meters apang napaslawan ini matapos ang tatlo ka attempts.

Nagmarka ini nga labing una nga gold win sang world’s no. 4 pole vaulter sa bag-o nga indoor season.

Madumduman nga sang nagligad nga bulan, nagpangaduha si EJ sa International Jump Meeting Cottbus sa Lausitz-Arena sa Germany.