-- ADVERTISEMENT --
Nakakuha sang permit ang mga Filipino sa Netherlands para sa duha ka adlaw nga pagtililipon sa International Criminal Court Detention Centre para magsuporta kay former president Rodrigo Duterte.
Sa interview sang Bombo Radyo Bacolod kay Bombo International News Correspondent Michael King, direkta sa Netherlands, may permit na para sa patigayunon nila nga rally.
Suno diri, nakabatyag ini sang kasubo sang mabatian ang tingog sang anay presidente sa trial nga kaangay nga maluya ini.
Nagpasalig naman ini nga indi sila mag-untat sa pagsuporta tubtob naman sa masunod nga hearing ni Duterte sa Setyembre 23.
Samtang, may patigayunon man nga meet and greet si Vice President Sara Duterte sa March 23 sa mga Filipino sa Netherlands.
-- ADVERTISEMENT --
