Very tight kun ilaragway sang isa ka Pilipino sa North Carolina, USA ang away nanday US Vice President Kamala Harris kag Former US President Donald Trump para sa US Presidential Election.
Sa interview sang Bombo Radyo Bacolod kay Romy Nierre, Bombo International News Correspondent sa North Carolina, USA, mabudlay nga ipredict kun sin-o ang magadaog sa piniliay bangud tuman ka hugot sang away sang duha ka mga kandidato.
Suno kay Nierre, may mga posters man nga nagalapta sa karun kun sin-o ang pagapilion sa pagkapresidente sang Estados Unidos.
Suno diri, sa ulihi nga Politics Polling Average nagapanguna si Trump sa Arizona, North Carolina kag Nevada kag gamay lang ang abanse ni Harris sa Wisconsin.
Kalabanan sa mga pumuluyo sa Estados Unidos ang nagapahayag sang boto kay former US President Donald Trump bangud nangin maayo ang performance sini sang siya ang presidente sa Estados Unidos.
Dugang pa sini, ang kampanya ni Trump ang nagsentro man sa pagsolusyon sang problema sa ekonomiya kag pagsirado sang mga borders agud nga matapna ang illegal immigrants nga ginalantaw sang anay presidente ugat sang mga kriminalidad sa Estados Unidos.
Ginahabuan naman sang democrats sang nanarisari nga issue si Trump bangud nakahibalo ang mga ini nga si Trump nga maayo nga leader.
Suno kay Nierre, hulaton na lamang subong nga adlaw kun sin-o ang magadaog bilang presidente sa Estados Unidos.
