Nagdangat na sa 309 ka mga Filipino nga yara sa Ukraine ang nabuligan sang Philippine Government karun nga nagapadayun ang invasion sang Russia.
Ginpahayag ni Foreign Affairs Undersecretary for Migrant Workers’ Affairs Sarah Lou Arriola nga 150 ka mga Filipino ang narepatriate as of March 11, samtang 159 ang gin-evacuate ukon nakagwa na sa Ukraine.
23 naman ka mga Filipino ang nag-abot sa pungsod sang Biyernes.
Ang Department of Foreign Affairs (DFA) ang una na nga nagmando sang mandatory evacuation para sa tanan nga Filipino kasunod sang tensyon sa tunga sang duha ka pungsod.
Santo sa DFA advisory, nga bangod sa madasig nga pagkadula sang seguridad sa Ukraine, ginapasaka na sang DFA ang crisis alert level para sa tanan nga lugar sa Ukraine sa Alert Level 4 ukon Mandatory Evacuation.
Sa idalum sang Crisis Alert Level 4, ang mga Filipino ang obligado nga mag-evacuate sa pungsod kun sa diin ang Philippine Government amo ang magasabat sa gastos sa repatriation.
