Ginpanginbulahan ang Broadway Star nga si Lea Salonga sang iya mga kasimanwa Filipino celebrity matapos makahimo sang maragtas bilang labing una nga Pilipino nga ginpasidunggan bilang Hollywood Walk of Fame star nga ginpatigayon sa California sang Biyernes.
Sa offiical page sang Hollywood Walk of Fame, ginpahayag nga ginselebrar ang seremonya indi lamang sa remarkable achievements ni Lea sa entablado kag sa screen, kundi kasubong man ang legasiya sini para sa mga Pilipino kag Asian artist sa patag sang entertainment.
Nagtambong man sa okasyon ang kaupod sini nga performer nga sanday Darren Criss, Brandy kag Ming-Na Wen nga naghatag man sang ila nga tribute.
Samtang, pila ka mga Filipino celebrity naman ang nagpalab-ot sang iya pagpallanga kag pagpanginbulahan kay Lea sa social media.
Lakip na diri ang TV host actress nga si Anne Curtis kag broadcaster nga si Karen Davila.
Kalakip man sa mga celeberity ang nagtambong sa selebrasyon sanday Gelli de Belen, Robin Nievera, Mela Habijan kag American singer-actor Eric Nam.
Sa speech sang singer, ginbalikan sini ang iya naagyan sa industriya kag nagpahayag sang paglaum nga magaserbe bilang inspirasyon sa iya nga sugilanon sa mga pamatan-on nga Pilipino.
