Gin-release na sang Samahang Basketbol ng Pilipinas (SBP) ang final roster sang Gilas Pilipinas nga magapasakop sa Window 3 sang 2027 FIBA Basketball World Cup Qualifiers.
Natalana sa Hulyo 3 kag Hulyo 6 ang una nga duha ka hampang sang nasambit nga roster nga ginakalakipan nanday RJ Abarrientos, Justine Baltazar, Justin Brownlee, AJ Edu, June Mar Fajardo, Chris Newsome, Mike Phillips, Kevin Quiambao, Dwight Ramos, Troy Rosario, Carl Tamayo kag Scottie Thompson.
Sa idalom sang Asian Qualifiers nga natalana sa Hunyo 29 tubtob Hulyo 7, 2026, tatlo ka mga lugar ang magaserbe nga lugar para sa natalana nga mga hampang.
Kalakip diri ang Spark Arena sa New Zealand sa diin pagahiwaton ang hampang sa tunga sang Tall Blacks (NZ national team) kag Pilipinas kag ang Tall Blacks batuk sa Guam.
Ang iban nga mga hampang natalana sa Jordan, Qatar, kag iban pa nga mga pungsod.
