Ginawelcome sang Philippine Army ang final ruling sang Korte Suprema nga constitutional ang Anti-Terrorism Act of 2020.
Sa interview sang Bombo Radyo kay 3rd Infantry Division spokesperson Capt. Kim Apitong, kinahanglan sang isa ka pungsod sang isa ka layi nga nagabato sa terorismo.
Ang desisyon sang Korte Suprema suno kay Apitong ang mangin giya sang mga suldado agud nga mabatuan ang mga terorista kag ano man nga sahi sang terorismo sang Pilipinas.
Sang Pebrero subong nga tuig, gindeklarar sang pungsod nga terorista ang CPP-NPA-NDF nga nagahatag sa militar sang dugang nga drive agud nga tapnaon ang mga terorista.
Nalakip naman diri ang mga foreign tourists nga ari diri sa Pilipinas kag local terorrists sa Mindanao.
Sa Visayas naman, sentro sang militar ang CPP-NPA.
Suno kay Apitong, indi lang Pilipinas ang may kaangay sini nga layi kundi may yara man ang iban nga pungsod.
Mas malip-ot naman ang inadlaw sang duration sang detention sang suspected terrorist sa Pilipinas nga nagalawig lamang sang 24 ka adlaw nga wala nakasuhan samtang sa iban naman nga pungsod, nagalawig sang masobra isa ka tuig.
