-- ADVERTISEMENT --
Ginapangagda ni Commission on Election Chairman George Erwin Garcia sa mga kandidato kag sa ila nga mga representative nga saksihan ang final testing and sealing sang mga Automated Counting Machines (ACMs) sa NIR halin Mayo 5 tubtob Mayo 7.
Madumduman nga una na nga nag-abot ang mga ACMs tinalikdan nga semana kag ini ang nadeliver na sa mga local comelec offices.
May mga nakaabot naman nga official ballots kag ini ang natalana na nga ideliver sa tagsa ka banwa kag ciudad sa masunod nga semana.
Una naman nga ginpasalig ni Garcia nga may masobra 300 nga spare ACMs nga magamit sa NIR inkaso nga may magmalfunction sa tion sang eleksyon, kag indi na magakinahanglan nga maghulat pa sang technician.
