Nagsugod na kahapon ang final testing kag sealing sang mga vote counting machine sa bilog nga pungsod.
Ang nasambit nga tikang sang Comelec ang agud masiguro ang transparency sang Eleksyon sa Mayo 9.
Bangud diri, ginhangkat sang komisyon ang partisipasyon sang publiko sa final testing kag sealing sang mga VCM.
Ginhangkat man ni Comelec Commissioner George Garcia ang tanan nga mga political parties nga magtambong sa mga final testing kag sealing sang mga VCM sumugod kahapon tubtob Mayo 7.
Ang nasambit nga test ang agud man masiguro nga handa na ang mga makina sa Eleksyon.
Ginpahayag man ni Garcia sa mga participants sa final testing kag sealing sang mga balota nga sarang sila nga mag-undervote, overvote, indi magshade sang balota sang insakto kag sarang man nila nga gision ang balota.
Diri makit-an kun ini ang pagabatunon sang VCM.
Ang final testing kag sealing sa Metro Manila ang ginpatigayon sang Comelec sa San Jun School malapit sa Agora Park, San Juan City nga gintambungan mismo ni Comelec Chairman Saidamen Pangarungan.
