Ginpahayag ni Finance Secretary Carlos Dominguez III nga ang pagpanubo sang utang sang Pilipinas, nga nagdako bangud sa pandemic, ang dapat mangin labing una nga responsibilidad sang masunod nga administrasyon.
Ginhambalan ni Dominguez ang mga miyembro sang Financial Executives Institute of the Philippines (FINEX) nga ang masunod nga administrasyon ang dapat buhinan ang utang sang Pilipinas sa madasig nga tinion.
Suno sa Finance chief nga nagsaka ang debt-to-GDP sang pungsod sa 60.5 percent sang 2021, nagikan sa historic low nga 39.6 percent sang 2019, matapos naghulam ang gobyerno sang pungsod sa COVID-19 response.
Suno sa iya, ang nagaisahanon nga pamaagi agud ini ang malab-ot amu ang pagpatubo sang ekonomiya kag pag-invest sa future.
Ang utang sang Pilipinas ang nagtindog sa P11.97 trillion sang Nobyembre sang tinalikdang nga tuig, antes nagnubo sang P11.74 trillion sa katapusan sang tuig.
Sa sulod sang masobra lima ka tuig, gindoble sang administrasyon ni Presidente Rodrigo Duterte ang utang sang Pilipinas humalin sa P5.95 trillion sa katapusan sang Hunyo 2016.
