Ginpahayag ni Finance Secretary Ralph Recto nga ang gobyerno ang may responsibilidad nga magmanage sang resources kalakip na ang pag-tap sang idle funds agud nga mabuligan ang madamo nga mga Filipino.
Sa statement, ginpahayag ni Recto nga importante para sa gobyerno nga gamiton ang wala nagamit kag idle funds kaangay sang sa Philippine Health Insurance Corp. (PhilHealth) agud nga mahatag ang kinahanglanon sang masobra sa 115 million ka mga Filipino.
Ginpanindugan ni Recto nga mahimo nga kuhaon ang mga idle funds agud gastuhon sa mga priority government health, education kag infrastructure programs.
Ginpaanggid pa ni Recto ang pagsaylo sang mga wala nagamit nga pondo agud gamiton sang mga police nga yara sa police station sa tion nga kinahanglanon ang mga ini sa mga lugar nga may nagluntad nga mga krimen.
Dugang pa sang finance secretary nga ini ang kaangay sang wala nagamit nga pondo sang PhilHealth nga dapat gamiton agud nga mapuslan sang minilyon ka mga Pilipino.
Sa karun nagagasto ang gobyerno sang P15.8 billion sa kada adlaw apang P11 billion lamang ang collected income gani kinahanglan sang gobyerno nga magpangutang sang P4 billion adlaw-adlaw agud nga pondohan ang mga proyekto sini.
