Nagakumpiyansa si Finance Secretary Ralph Recto nga malab-ot sang Pilipinas ang “A” credit rating sa tuig 2028.
Ini bangud sa padayon nga napabilin sang Pilipinas ang mabaskog nga investment outlook sa pihak sang nagabag-o nga global economic environment.
Gin-emphasize sang finance chief nga conscious ang gobyerno sa mga programa sini kag target nga malab-ot na sang tanan nga rating agencies nga maghatag sang grade A sa Pilipinas bisan A minus pa ini.
Magluwas sa Moody ginhatagan man sang “upgrade credit rating” sang isa ka Japanese rating agency ang Pilipinas gikan sa rating nga R&I.
Suno sa tiglikom dako man nga kontribusyon agud nga mapabilin nga mabaskog ang investment outlook sang pungsod amo ang medium fiscal framework plan sang gobyerno.
Ginhatagan sang global credit watcher nga Moody nga “BAA2” investment-grade credit rating ang Pilipinas nga may yara sang “stable” outlook.
Suno kay Recto, nagasunod ang ila nga tikang sa ginplastar
nga fiscal policy kag economic policy sang Marcos Jr., administration kag nakita sang mga agencies nga masaligan ang nasambit nga plano.
Gin-emphasize man ni Recto nga sa karun padayon ang pag-uswag sang ekonomiya sang Pilipinas kag pamatuod diri ang pagnubo sang inflation.
Gintumod ni Recto nga sa 2nd quarter nakarekord sang 6.3 percent GDP growth ang Pilipinas kag sa bug-os nga tuig nakarecord naman sang 6.1 percent.
Sa una nga duha ka tuig nga pagpungko ni President Ferdinand Marcos Jr., nakarecord ang 6 tubtob 6.1 percent GDP isa ini sa pinaka mataas nga narekord sang tanan nga president sang pungsod.
Paathag ni Recto ang fiscal framework plan ang may tinutuyo nga panubuon ang deficit sang 3.8 percent sa tuig 2028.
Ginpahayag man sang tiglikom nga pananglit nga magautang ang Pilipinas nangin mas manubo na ang interest rate.
