Indi bilog nga 12 mil pesos ang mabaton sang mga left out beneficiaries sang Social Amelioration Program sang Department of Social Welfare and Development subong nga ginpaagi sa digital ang pay-out kun sa diin money remittance centers ang naga-release.
Apisar nga may kabudlayan, gin-agwanta sang mag-asawa nga benepisyaryo sang SAP agud magkuha sang cash grant sa payment center kaina sang aga.
Sa interview sang Bombo Radyo kay Jobert Arolay sang Barangay Bata, Bacolod City, una sila nga nagpadulong sa Barangay Hall agud maverify ang ila forms antes pa man nagpadulong sa mga payment centers agud makuha ang cash grant apang sang nagtsekyar ang mga ini sa Mlhuiller sa Brgy. Bata, malaba ang pila gani nagpadulong sila sa Rizal Lacson Branch.
Nagabulos-bulos pa sila nga mag-asawa sa linya agud makuha ang cash grant bangud nagabusong ang iya misis.
Suno kay Arolay, 100 pesos ang charge sang Mlhuillier sa ila nga cash grant gani 11, 900 pesos nalang ang gila ginbaton.
Wala naman sila sang mahimo bisan magreklamo pa kundi batunon ang kwarta nga nagikan sa gobyerno.
