Wala pa sang kasiguraduhan kun san-o maabot ang financial assistance nga ginapangayo sang probinsya sang Negros Occidental ilabi na sa banwa sang La Castellana nga nagapangatubang sang problema sa pag-atipan sa mga evacuees sang bulkan Kanlaon.
Suno kay Office of the Civil Defense – Negros Island Region (OCD-NIR) Director Donato Sermeno III, wala na gid sang budget ang local government unit para ibulig sa mga evacuees nga humalin pa sang tinalikdan nga tuig nagatinir sa evacuation center.
Suno diri, nasturyahan man ang sitwasyon sang Internally Displaced Persons ilabi na ang mga nagpauli sa ila tagsa ka balay sa sulod sang 6km permanent danger zone bisan wala sang pahanugot.
Isa sa suhestyon amo nga pahanugotan ang mga IDPs nga magpaui sa 5.2 km danger zone apang ini ang wala ginpahanugotan sang Philippine Institute of Volcanology and Seismology (PHIVOLCS) nga may human activity sa sulod sang 6km permanent danger zone.
