Gin-aprubahan sa ginpatigayon nga session sang Sangguniang Panlungsod sang Bacolod ang P4.5 million nga bulig-pinansyal para sa lima ka mga banwa kag duha ka mga ciudad nga nahalitan sang linog sa Mindanao.
Sa impormasyon nga nakuha sang Bombo Radyo Bacolod, magahatag ang Bacolod City government sang tag-isa ka milyon ka pesos para sa Kidapawan City, North Cotabato kag Digos City, Davao del Sur samtang ang mga banwa naman sang Makilala, Tulunan kag Magpet sa North Cotabato subong man ang Magsaysay kag Bantalan sa Davao del Sur ang makabaton sang tag-P500, 000.
Nahibaluan nga magahalin ang pondo sa Quick Response Fund sang City Disaster Risk Reduction and Management Office (CDRRMO) santo sa Republic Act 10121 ukon ang Disaster Management Act of 2010.
Iga-transfer naman sang Bacolod ang kwarta paagi sa bank-to-bank transaction.
