Nagmatch naman ang fingerprints sa apat ka mga naaresto nga mga suspetsado sa ginpatigayon nga ballistic examination sa mga narekober nga assault rifles sa Bayawan City sang Sabado sang hapon.
Sa pressconference ni Police Lt. Col. Gerard Ace Pelare, spokesperson sang Special Investigation Task Group-Degamo, may nagmatch nga fingerprints sang mga suspek sa mga narekober nga high powered firearms.
Ginpahayag man ni Pelare nga kabahin man sang SITG ang Scene of the Crime Operation (SOCO) agud nga masiguro nga ang tanan nga mga ebidensya ang maexamine.
May nakuha man nga fingerprints sa salakyan kag igapaidalom sa DNA testing agud nga ini ang maattached man sa mga dokyumento sa pagfile sang kaso.
Samtang,ginpahayag man sang Police nga ang mga registered owners sang mga salakyan nga ginagamit sa pagatake sa anay gobernador Ang nakabase sa Cebu.
Ginaimbestigaran nila sa karun sang mga otoridad kun ang mga tag-iya sang salakyan ang may kahilabtanan sa krimen.
