HELSINKI, FINLAND – Opisyal na nga gin-anunsyar sang Finnish government ang ila nga intensyon nga magsulod sa North Atlantic Treaty Organization (NATO), karun nga ang ruling party nga Sweden ang nagapatigayon pa sang pagsinapol sa posibilidad sang joint application.
Kapin tatlo ka bulan kasunod sang invasion sang Russia sa Ukraine sadtong Pebrero 24, ang tikang ang hinali nalang nga pagreverse sa polisa sang Finland natuhoy sa military non-alignment humalin sang nakaligad nga 75 ka tuig.
Samtang ang Sweden, nga military non-allign sa masobra na duha ka gatos ka tuig, ang ginalantaw naman nga magasunod, kag ginalauman na ang kaangay nga announcement subong nga Lunes.
Ginapahayag ni Finnish President Sauli Niinisto nga ang President of the Republic kag ang Foreugn Policy Committee sang gobyerno ang nag-ugyon nga ang Finland ang maga-apply para sa NATO membership, matapos nga magkonsulta sa parliament.
Ini ang ginakabig naman nga historic day kag pagbukas sang panibag-o nga era.
Sa pagpadulong sa NATO counterpart sa Berlin, ginpahayag ni Gordan Grlic Radman, foreign minister sa Croatia, nga apisar sang last-minute objection sang Turkey, ang iban nga mga NATO members ang nagasugot sa ila nga nangin diskusyon sa pagbatun sa Sweden kag Finland sa Western Military Alliance.
Ang parliament sa Finland ang magasapol para sa debate natuhoy sa membership proposal subong nga Lunes.
Nagalaom si Prime Minister Sanna Marin nga magakumpirmar ang parliament sa desisyon para sa NATO membership sa masunod nga inadlaw kag ini ang magabase sa mabaskog nga mandato.
Nahibaluan nga mayorya sang members of parliament (MP) sa Finland ang nagasuporta sa desisyon, matapos nga ang Social Democratic Party ni Marin ang nagpabor sa membership sang Sabado.
Ginalauman ni Marin nga makapadala na sang aplikasyon sa masunod nga semana kaupod ang Sweden.
