Safe Habits, Save Lives, ini ang pahanumdom sang City Fire Marshall sang ciudad sang Bacolod kasunod sa selebrasyon sang Fire Prevention Month.
Sa interview sang Bombo Radyo Bacolod kay Fire Chief Inspector Stephen Jardeleza, madamo sang aktibidad ang Bureau of Fire Protection (BFP) subong nga bulan.
Marso 1 sang nagpatigayon sang kick off ang BFP, kag kaina naman sang aga nagpatigayon sila sang blood letting activity, sa Marso 5 may patigayunon ang poster and drawing contest, Marso 15 tubtob 16 may patigayunon nga road show para sa mga kabataan.
Samtang sa Marso 23 tubtob 26, may training sa mga barangay sa ciudad.
May yara man sang tree planting activity apang wala pa sang eksakto nga petsa.
May yara man sila sang naka-schedule nga mga fire drill sa mga buluthuan.
Suno kay Jardeleza, sa karun nga fire prevention month, madamo na sang naglabay nga grass fire incidents nga mahimo man nga malikawan kun disiplinado ang mga tawo.
Sa karun ang ciudad sang Bacolod may narekord nga 120 ka mga red zone areas samtang may yara naman sang 190 nga pwersa ang BFP-Bacolod.
Pahayag ni Jardeleza, sa karun nga fire prevention month, kag may El Nino, dapat tandaan ang safe habits agud malikawan ang pagluntad sang sunog sa sulod sang panimalay.
