Gin-ako sang fire marshal sang Bacolod City Fire Station nga yara sa congested area ang fire scene kag makitid ang dalan sa Purok Magnolia, Barangay 7 gani indi mahapos ang pagsulod sang fire truck.
Suno kay Fire Chief Inspector Stephen Jardeleza, magluwas nga makitid, may nagapark pa nga mga salakyan kag may mga sanga sang kahoy nga wala nautdan apang gintinguhaan gid nila nga makasulod.
Ginpanginwala man sini nga nawad-an sang tubig ang fire truck.
Suno kay Jardeleza, nagrefill sila sang tubig sa fire hydrant sa Capitol Lagoon sang under control na ang sunog kag calculated ang pagbalik sang firetruck.
Nagpasalamat man ini sa tanan nga nagbulig sa ila agud nga maclear ang dalan kag tubtub na sang natapos ang sunog.
Suno diri, tatlo tanan ka firetruck ang naguba kadungan sang sunog apang tinguhaan nila nga makaayo ini gilayon.Naglibot naman kagab-i si Mayor Alfredo Benitez sa lugar kag naggamit sang drone gani ginpakita sini ang bentaha sang drone.
Nagpanawagan si Jardeleza sa publiko nga indi gid pagpabay-an ang mga butang nga maka-ignite sang kalayo kag indi maggamit sang substandard nga linya sang kuryente agud malikawan ang sunog.
