Nagpatigayon ang Bureau of Fire Protection-Bacolod City sang programa sa SM City Bacolod nga napahamtang sa Reclamation Area sang Sabado bilang kabahin sang activities sang 31st anniversary sang BFP sang Agosto 2.
Suno kay Bacolod City Fire Marshal Fire Chief Inspector Rodel Legaspi, inline sang anniversary celebration sang BFP nagpatigayon ang BFP-Bacolod sang fire square agud nga mapakita ang nagkalain-lain nga serbisyo sang BFP.
Suno kay Legazpi ang fire square ang may tinutuyo man nga maghatag sang ideya sa komunidad sang kalaparon sang scope sang official functions sang BFP.
Ginapakita sa programa ang emergency medical services; fire fighting operation kag rescue operation.
Suno sa Bacolod City Fire Marshal, ang programa ang may tinutuyo man nga maghimo sang mindset nga ang serbisyo sang BFP ang nagapadayon sa bilog nga tuig.
Ini man nga programa ang nagapahanumdom sa mga pumuluyo sa syudad sang Bacolod nga magpabilin nga fire safe sa tanan nga tion ilabi na ang tagsa ka panimalay.
Ginalauman man ni Legazpi nga paagi sa programa makahatag sang consciousness kag awareness sa mga pumuluyo kag mangin fire safe ang syudad sang Bacolod.
