-- ADVERTISEMENT --
Ginbawi sang Philippine National Police (PNP) ang firearms license ni Atong Ang nga karon padayon nga ginapangita sang mga otoridad may kaangtanan sa kaso sang missing bulangeros.
Suno kay Criminal Investigation and Detection Group (CIDG) Director Maj. Gen. Robert Alexander Morico II, gin-aprobahan mismo sang Chief PNP ang rekomendasyon nila nga bawion ang lisensya sang armas ni Ang agud mas mapadasig ang ginapatigayon nga manhunt operation.
Pahayag ni Morico, nagapakig-angot na ang CIDG sa mga abogado sang negosyante kag ginmanduan ang mga ini nga i-surrender ang mga armas sa Firearms and Explosives Office.
Sandig sa record sang kapulisan, anum ka armas ang nakarehistro sa ngalan ni Ang.
