Nagdangat pa sa 63 ka mga fireworks related incident ang narecord sang Negros Occidental Provincial Health Office kasunod sang pagsugata sa bag-ong tuig.
Suno kay Provincial Health Officer Dr. Ernell Tumimbang, kalabanan sang nasamaran ang bangud sa blast kag burn apang wala man sang natabo nga amputation.
Suno kay Tumimbang, nagsaka ang narecord nga fireworks related incident subong nga tuig kumparar sang tinalikdan nga tuig nga nagdangat lamang sa 31 ka kaso.
May yara sang 21 ka LGUs nga nakarecord sang ireworks related incidents.
Nagapanguna diri ang syudad sang Bago nga napulo ka insidente, ginsundan sang Victorias kag Talisay City nga may pito, Sagay kag Cadiz City nga may apat kag ang nabilin nakarecord sang tatlo kag duha ka kaso.
Suno kay Tumimbang, 41 ang active injuries samtang 21 ang active cases.
Ang narecord nga napilasan sang palupok ang yara sa edad nga isa tubtob 30 anyos kag 42.9 percent sang mga napilasan ang nagaedad lamang sang isa tubtob napulo ka tuig.
Suno sa PHO pila sa ginhalinan sang pilas amo ang candle bomb nga may yara sang walo ka kaso kag liquor intoxication nga may yara sang 13 ka kaso.
