Magapadayun pa tubtob sa Enero 6 ang monitoring sang Bacolod City Health Office angot sa firecracker-related injuries.
Sa interview sang Bombo Radyo Bacolod kay Dr. Grace Tan, head sang Environment and Sanitation Division sang Bacolod City Health Office, 22 na ang narecord nga firecracker-related injuries sa Bacolod City nga ginalakipan sang 21 ka lalaki kag isa ka babayi.
Outpatient na ang 21 samtang may isa pa nga nagapabilin nga naka-admit.
Suno kay Tan, minor injuries lamang ang naagom sang mga biktima nga kalabanan may blast injuries sa kamot, mata, ulo, hita, butkon kag iban pa nga bahin sang lawas.
Ang pinakamadamo nga mga biktima yara sa age-group nga 11 tubtob 19 anyos.
Ang kaso ang mas mataas sangsa 11 ka kaso nga narecord sang magtakop ang tuig 2023.
Ginalantaw sang doktor nga nagdamo ang kaso bangod madamo sang maalam nga Bacolodnon nga naga-do it yourself (DIY) sang palupok kaangay sang pagcombine sang mga polbora sang nanarisari nga palupok.
Pahayag ni Tan nga sa derektiba sang Department of Health, ginpalawig sa Enero 6 ang monitoring bangod may-ara pa sang 3-kings.
