Nagdangat na sa lima ka mga kaso ang narecord nga firecracker-related injuries sa ciudad sang Bacolod.
Santo sa data sang City Health Office (CHO) nga as Januaray 1, 2024 ang Bacolod City ang may lima ka mga biktima sang palupok sa diin apat ang nagdugang samtang ginasug-alaw ang bag-ong tuig.
Nalakip sa mga nalukpan ang isa ka 15 anyos nga residente sang Barangay 36, isa ka 32 anyos nga residente sang Barangay Mansilingan kag duha ka walo ka tuig nga mga bata nga residente sang Barangay Villamonte, Bacolod City.
Una na gin-report sang CHO sang December 24, 2023 ang isa ka 11 anyos nga residente sang Barangay Estefania nga nalukpan sang five star ang iya nawala nga kamot.
Sa apat ka mga nagdugang nga fireworks-related injuries sa Bacolod City kahapon, nagpabilin nga admitted ang isa ka menor de edad nga residente sang Barangay Villamonte matapos nga ‘severely damaged’ ang iya nawala nga kamot bangud nga nalukpan sang kwitis.
Ang lima ka injuries sa Bacolod City ang nalukpan sang kwitis, five star kag triangulo.
