Nagdangat sa kapin 21 ang kaso sang Fireworks Related Injuries nga narecord sa probinsya sang Negros Occidental santo sa inisyal nga record sang Negros Occidental Provincial Health Office.
Sa interview sang Bombo Radyo Bacolod kay Dr. Girlie Pinongan, Provincial Health Officer sang Negros Occidental, humalin pa sang December 26 ang ila nga monitoring sang Fireworks Related Injuries kag ini ang magadugay pa tubtob sa sa January 6, 2024.
Suno kay Pinongan, pito ka tuig tubtob 57 anyos ang mga edad nga ila ginamonitor para sa Fireworks Related Injuries kag nakita sa record nga ang mga nagaedad sang 11 tubtob 20 anyos ang recorded nga nabiktima sang palupok.
Onse ang narecord nga ireworks Related Injuries ang tuga sang Boga samtang may yara sang isa ka kaso sang amputation nga narecord sa ciudad sang Kabankalan, Negros Occidental.
Suno kay Pinongan, 13 ka mga Local Government Units sa probinsya sang Negros Occidental ang may yara sang record sang Fireworks Related Injuries.
Aminado man si Pinongan nga ang mga injuries sang mga kabataan ang tuga sang pagpulot sang mga palupok nga wala naglupok.
