17 ka dugang nga kaso sang firecracker-related injuries ang narekord sa bilog nga pungsod rason kun ngaa nagdangat na ang kabug-usan nga numero sa 35 porsyento nga mas mataas kun ikumparar sang tinalikdan nga tuig.
Suno sa Department of Health, santo sa monitoring sa 62 ka mga sentinel sites, ang kabug-usan nga numero sang mga napilasan bangud sa fireworks sumugod alas 6:00 sang aga sang Disyembre 22 tubtob Disyembre 29 ang nagdangat na sa 142.
Ini ang mas mataas kun ikumparar sa 105 ka mga kaso nga narekord sa kaangay nga period sang 2023.
Sa kabug-usan nga kaso, 104 ukon 73 percent ang bangud sa illegal firecrackers kaangay sang boga, 5-star kag piccolo kag 85 ukon 60 percent ang aktibo nga nagagamit sang mga ini.
May yara sang 115 ka mga biktima nga mga teenagers nga naga-edad 19 padalum samtang ang nabilin ang 20-anyos pasaka.
Kalabanan sa mga kaso ang lalaki nga nagdangat sa 127 samtang 15 naman ang babaye.
Sang Sabado, ginreport sang DOH ang labing una nga nagtaliwan bangud sa firecracker antes ang pagsaulog sang Bag-ong tuig.
Ini ang isa ka 78-anyos nga lalaki nagikan sa Central Luzon nga napatay matapos nga mapilasan sa mata kag hita bangud sa Sinturon ni Hudas.
