Firecracker-related injuries sa Pilipinas, nagsaka na sa 26

Nakarekord ang Department of Health sang 26 ka bag-o nga firecracker-related injuries sa bilog nga pungsod rason kun ngaa nagdangat na ang kabug-usan nga numero sa 69.

Suno kay DOH, sang Disyembre 22 ginsuguran ang pagtally sang firecracker-related injuries subong nga tuig.

Suno sa ahenya, sa kabug-usan nga numero sang injuries, 58 ang naga-edad 19 panubo samtang ang nabilin ang naga-edad 20 anyos pasaka.

Suno diri, ang mga kabataan kag menor-de-edad amu ang kalabanan sang mga nagagamit kag biktima sang palupok.

Suno sa health agency, 86 porsyento sang mga biktima ang naggamit sang illegal firecrackers kaangay sang boga ukon PVC cannon.

Ang majority ukon 74 percent sang mga ini ang aktibo nga nagagamit sang firecrackers.