Fireworks-related injuries nga narecord sang DOH Western Visayas, nagsaka na sa 68; record sang Police Regional Office 6, yara naman sa 75

Nagsaka na sa 68 ang mga fireworks-related injuries sa Western Visayas.

Ini santo sa data sang Department of Health (DOH) Region 6, umpisa Disyembre 21, 2023 tubtub Enero 1, 2024.

17 sa bag-o nga mga kaso ang na-record humalin sang December 31, 2023 tubtub Enero 1, 2024.

Kalakip sa mga rason sang amo nga injuries ang nalukpan bangud sa trianggulo, kamara kag boga.

Suno sa DOH 6, mas manubo ini sang 66 porsyento kun ikumparar sa 202 nga kaso tinalikdan nga 2022 sa pareho nga period.

Kalakip sa mga injuries nga na-record ang bangud sa boga, five star, kwitis, trianggulo kag kamara.

Wala man sang may na-record nga kaso sang fireworks ingestion kag biktima sang stray bullet.