BACOLOD CITY-Nangin madinalag-on ang pinakauna nga Chicken Inasal Festival sa ciudad sang Bacolod kahapon.
Sa interview sang Bombo Radyo Bacolod kay Councilor Cindy Rojas, chairman sang Committee on Tourism sa Sangguniang Panlungsod kag Festival Director, ‘highly successful’ gid ang pagpatigayon sang kahiwatan.
Dugang pa sini nga tinutuyo lamang sang festival nga ma-promote ang turismo sang ciudad kag makaganyat pa sang mas madamo nga bisita.
Base sa rekord, may 3,000 ka salay sang chicken inasal ang dungan nga ginsugba sa 300-metros nga sugbahan humalin sa replika sang Bacolod Governmet Center pakadto sa San Sebastian street.
Nangin dinapit man nga bisita si Russian Ambassador to the Philippines Igor Khovaev.
Ginlibot ni Amb. Khovaev ang festival site upod si Mayor Evelio “Bing” Leonardia.
Suno kay Councilor Rojas nakaubos sang anum ka chicken inasal ang Russian ambassador.
Dugang pa ni Rojas nga nag-enjoy gid si Khovaev kaangay sang pag-enjoy man sang mga nagtambong nga mga bisita kag Bacoleño.
